Duerftreff

En Deel vum Buttek gëtt als Duerftreff animéiert, do kënnt Dir gemittlech eng Taass Kaffi drénken, e gutt Stéck Kuch iessen, dat soziaalt Zesummesinn genéissen, un Aktivitéiten deelhuelen a nach villes méi. Den aktuelle Programm, den d’Lynn a seng Equipe fir Iech preparéiert huet, fannt Dir an dëser Rubrik. Kommt bei eis luussen, mir freeën eis op Iech.

Eis Missioun

Ëm wat geet et am Duerftreff?

Zesumme mam LEADER Miselerland, den eisen Duerftreff ënnerstëtzt, engagéiere mir eis fir:

  • de sozialen Zesummenhalt ze stäerken
  • e liewegen, inklusiven an intergenerationellen Austausch ze fërderen
  • di natierlech Ressourcen nohalteg ze entwéckelen an ze notzen, kuerz Weeër méiglech ze maachen, d’Qualitéit vun de regionale Servicer ze verbesseren an eng gutt Liewensqualitéit am ländleche Raum ze erhalen.

De Projet Duerftreff ass zäitgläich mat dem Duerfbuttek vum Grupp elisabeth an d’Liewe geruff ginn an entwéckelt sech weider duerch den Asaz vun eise Coordinatricen a ganz besonnesch duerch Är Participatioun an Ënnerstëtzung.

Porteur Projet : Yolande asbl
Titre de Projet : Dorfladen und Sozial-Café Bowengsbierg – Entwicklung und nachhaltige Etablierung von Ausbildungs- und Arbeitsplätzen für Menschen mit intellektueller Beeinträchtigung

Kanneraktivitéiten

Ëmmer dënschdes vun 14.30 -15.30

a vun 15.30-16.30 Auer

Mellt Är Kanner wa méiglech un, fir datt mir genuch Material kënne preparéieren. All Kand däerf seng Kreatioun mat heem huelen. Mir froen eng Mini-Bedeelegung un de Materialkäschte vu 5 € pro Aktivitéit. Dir kënnt op der Plaz bezuelen oder och vun eiser Käertche profitéieren, dann ass di 6. Kéier gratis. De Programm vun den Aktivitéite fannt Dir am Duerfbuttek an och op Facebook. Während deem mir mat Äre Kanner eng flott Zäit hunn, kënnt Dir gemittlech eng Taass Kaffi drénken, beim Lis akafen oder Iech eng kléng Paus gënnen.

Inscriptions

Fir weider Informatiounen a fir d’Umeldungen, mellt Iech w.e.gl. iwwer Telefon beim Linda/Carole (691 719 014) oder beim Lynn (691 719 013). Gären kënnt Dir eis och op moien@beimlis.lu schreiwen oder mëttwochs am Lis Café laanscht kommen.

Wëllt Dir ëmmer iwwert eis Kanneraktivitéiten informéiert bleiwen? Da schréift Iech hei an op eis Newsletter.

Lis Café

Eemol d’Woch mëttwochs vun 13.30 bis 17.00 Auer ass am Duerfbuttek de Lis Café

“A wat ass dat dann?” gi mir oft gefrot.
Mëttwochs verwandelt den Duerfbuttek sech an engem klengen Eck zu enger gemälleger Plaz wou jidderee wëllkomm ass, e Kaffi, e Waasser oder e gutt Stéck Kuch oder Dessert aus der Betzder Kichen ze genéissen. Eleng oder mat Famill, Frënn oder Bekannten, zéckt net a besicht eis.
Mir freeën eis op jidder eenzelen deen eraluusst, an hunn och d’Iddi gehat, datt mir ouni feste Präis fueren. Mir hunn e Leemfräsch do stoen, deen sech iwwer e klengen Don freet. Esou ka jiddereen deelhuelen, a kann dono dat an de Fräsch leeë, wat et him wäert ass. Eis geet et ëm d’Wäertschätze vun der Saach an net ëm de Profit. Soulaang mir dat an enger gudder Balance halen, wäerte mir eis nach op vill Lis Caféë freeë kënnen.

D’Workshoppen an aner Initiative vum Duerftreff

Mir ginn eis drun fir e villsäitegen, interessanten an inklusiven Programm unzebidden. Fir Grouss a manner Grouss an natierlech barrièrefräi. Den aktuelle Programm hänkt am Duerfbuttek aus, e gëtt op www.landakademie.lu ënnert « Duerftreff beim Lis » publizéiert an Dir fannt en  hei.

Programme

Mir freeën eis, wann Dir eis Newsletter abonnéiert fir ëmmer um lëschte Stand ze sinn. Si kënnt maximum 1-2 x pro Saison eraus.

Neiegkeeten

DuerftreffNeiegkeeten
14 November 2018

Bitzen mat Häerz – Engelcher bitzen oder Engelcher gebitzt ;-)?

Ee grousse Merci un déi super Equipe, déi e Samschdeg dës schnuckeleg Engelcher gebitzt huet. Aus enger klenger…
DuerftreffNeiegkeetenNon classé
13 September 2018

Eng “seedbomb” – eng Bomm mat Som selwer maachen

Den 30. September si mir zesumme mam CPP vu Betzder zu Réiden/Atert um grousse Kropemannsfest.…
DuerftreffNon classé
4 September 2018

Verstäerkung am Duerftreff

Gudde Moien, Ech sinn d'Ina - och wann d' Lynn mech ëmmer als säi neit…

Fir eis ze fannen

7, rue de la Gare
L-6910 Roodt-Syre
Luxembourg

Tel. 691 719 013
Tel. 691 719 014

Projet cofinancé dans le cadre du PDR 2014-2020 par
Porteur Projet : Yolande asbl
Titre de Projet : Dorfladen und Sozial-Café Bowengsbierg – Entwicklung und nachhaltige Etablierung von Ausbildungs- und Arbeitsplätzen für Menschen mit intellektueller Beeinträchtigung