Duerftreff

En Deel vum Buttek gëtt als Duerftreff animéiert, do kënnt Dir gemittlech eng Taass Kaffi drénken, e gutt Stéck Kuch iessen, dat soziaalt Zesummesinn genéissen, un Aktivitéiten deelhuelen a nach villes méi. Den aktuelle Programm, den d’Lynn fir Iech preparéiert huet, fannt Dir an dëser Rubrik. Kommt bei eis luussen, mir freeën eis op Iech.

Eis Missioun

Ëm wat geet et am Duerftreff?

Zesumme mat der Gemeng Betzder, déi eisen Duerftreff ënnerstëtzt, engagéiere mir eis fir:

  • de sozialen Zesummenhalt ze stäerken
  • e liewegen, inklusiven an intergenerationellen Austausch ze fërderen
  • di natierlech Ressourcen nohalteg ze entwéckelen an ze notzen, kuerz Weeër méiglech ze maachen, d’Qualitéit vun de regionale Servicer ze verbesseren an eng gutt Liewensqualitéit am ländleche Raum ze erhalen.
S'inscrire à la newsletter
Nous contacter
Nous suivre sur facebook

De Projet Duerftreff ass zäitgläich mat dem Duerfbuttek vum Grupp elisabeth an d’Liewe geruff ginn a gouf vun 2017 bis Ënn 2019 mat europäesche Fërdermëttel aus dem landwirtschaftlechen Strukturfonds –  Programm Leader – ënnerstëtzt.

Porteur Projet : Yolande asbl
Titre de Projet : Dorfladen und Sozial-Café Bowengsbierg – Entwicklung und nachhaltige Etablierung von Ausbildungs- und Arbeitsplätzen für Menschen mit intellektueller Beeinträchtigung

Kanneraktivitéiten

Eise spezielle Kannerprogramm

De Programm vun den Aktivitéiten an de Workshoppen extra fir Kanner fannt Dir an eisem Kalenner, am Duerfbuttek an och op Facebook. Gäre kënnt Dir Iech och op eis Newsletter aschreiwen, da sidd Dir ëmmer bei deenen éischten, déi de Programm kréien. D'Plazen si limitéiert an eng Umeldung ass noutwendeg fir datt mir eis gutt virbereede kënnen.

Wëllt Dir ëmmer iwwert eis Kanneraktivitéiten informéiert bleiwen? Da schreift Iech hei an op eis Newsletter.

Inscriptions

Fir weider Informatiounen a fir d’Umeldungen, mellt Iech w.e.gl. iwwer Telefon  beim Lynn (691 719 013). Gären kënnt Dir eis och op moien@beimlis.lu schreiwen.

Lis Café

Eemol d’Woch mëttwochs war vun 13.30 bis 17.00 Auer  am Duerfbuttek de Lis Café. Soubal d’Covid-Situatioun et erëm zouléisst, fuere mir gäre mat dëser flotter Traditioun virun.

“A wat ass dat dann?” gi mir oft gefrot.
Mëttwochs verwandelt den Duerfbuttek sech an engem klengen Eck zu enger gemälleger Plaz wou jidderee wëllkomm ass, e Kaffi, e Waasser oder e gutt Stéck Kuch oder Dessert aus der Betzder Kichen ze genéissen. Eleng oder mat Famill, Frënn oder Bekannten, zéckt net a besicht eis.
Mir freeën eis op jidder eenzelen deen eraluusst, an hunn och d’Iddi gehat, datt mir ouni feste Präis fueren. Mir hunn e Leemfräsch do stoen, deen sech iwwer e klengen Don freet. Esou ka jiddereen deelhuelen, a kann dono dat an de Fräsch leeë, wat et him wäert ass. Eis geet et ëm d’Wäertschätze vun der Saach an net ëm de Profit. Soulaang mir dat an enger gudder Balance halen, wäerte mir eis nach op vill Lis Caféë freeë kënnen.

D’Workshoppen an aner Initiative vum Duerftreff

Mir ginn eis drun fir e villsäitegen, interessanten an inklusiven Programm unzebidden. Fir Grouss a manner Grouss an natierlech barrièrefräi. Den aktuelle Programm hänkt am Duerfbuttek aus, e gëtt op www.landakademie.lu ënnert « Duerftreff beim Lis » publizéiert an Dir fannt en  an der Rubrik “Kalenner” op dësem Site.

Programme

Mir freeën eis, wann Dir eis Newsletter abonnéiert fir ëmmer um lëschte Stand ze sinn. Si kënnt maximum 1-2 x pro Saison eraus.

Neiegkeeten

DuerftreffWorkshop
2 March 2021

mindful.yogi.soul

Du möchtest Yoga endlich mal ausprobieren oder du machst schon länger Yoga? Dann bist du…
Lynn Rocchio 0
0
DuerftreffNeiegkeetenNon classé
20 January 2021

Eis Workshoppen komme bei Iech heem

Nach musse mer Gedold hunn, bis mir nees zesumme kënnen eis Aktivitéite starten. Dofir freeë…
Doris 0
0
DuerfbuttekDuerftreffNeiegkeeten
15 December 2020

Hëllef mat de Beemchen vum Duerfbuttek ze dekoréieren

Halli, Hallo, Mir sichen nach fläisseg Hänn, déi eis hëllefen eisen Chrëschtbeemchen ze dekoréieren. Dréckt einfach dës…
Doris 0
0
Toutes les actualités

Fir eis ze fannen

7, rue de la Gare
L-6910 Roodt-Syre
Luxembourg

Tel. 691 719 013

Projet cofinancé dans le cadre du PDR 2014-2020 par
client
client
client
client
Porteur Projet : Yolande asbl
Titre de Projet : Dorfladen und Sozial-Café Bowengsbierg – Entwicklung und nachhaltige Etablierung von Ausbildungs- und Arbeitsplätzen für Menschen mit intellektueller Beeinträchtigung